1. Vitti veniri na turri purtari,
   cuant'era spishusa di virìri.
   Havi tanti pirtusa a tanti rari,
   cu trhasi dhà rintrha va a murìri.
   ? = A riti 'i piscari.
   
   
2. Dui 'O' e kuattrhu 'I',
   na casciata e um pipiripì.
   ? = I roti du carrettu, i ammi ru mulu e u carritteri.
   
   
3. Appizza, muzzica e mori.
   ? = A lapa.
   
   
4. Kuannu veni iddhu, iddha si nni va.
   Kuannu veni iddha, iddhu si nni va.
   ? = U jornu e a notti.
   
   
5. Ntantarantà unni la metti sta.
   ? = A scupa.
   
   
6. Carcocciula di cuaranta fogghi,
   chiù l'arrimini e chiù la mmrogghi.
   Pizzicannu pizzicannu,
   ti la spassi tuttu l'annu.
   ? = U mazz'i carti.
   
   
7. Trhic trhac patrhi Canneddha,
   cuattrhu addhivuzzi ca cammiseddha.
   ? = a nushi.
   
   
8. Nzirtatimi cu è,
   Ca ci vota u culu o re.
   ? = U carruzzeri.
   
   
9. Supra lu nzippiti nzippiti pizzu,
   c'era 'n asheddhu chi nzippitiava,
   e notti e ghiornu mai si zittia.
   ? = U rologgiu ra turri
   
   
10. Li shimi ri sutta e lu zuccu ri supra.
    ? = A scupa.
    
    
11. Cum piseddhu di shiriveddhu,
    parra e unn zapi soccu rishi
    ? = U pappaaddhu.
    
    
12. Fofu è all'erta ntrha li fraski,
    Fifu sherca cu li naski.
    ? = U cacciaturi e u cani.
    
    
13. Ticchiti ticchitti, dumani partu.
    Ticchiti ticchiti, affari fattu.
    Ticchiti ticchiti, arrivu filishi.
    ticchiti ticchiti, salutu l'amishi.
    ? = U telegrafu.
    
    
14. Ca ucca canta e ku culu s'accumpagna.
    ? = U sceccu ch'arragghia.
    
    
15. Cuannu è friddu è addumatu,
    cuannu è kauru è astutatu.
    ? = U frigoriferu.
    
    
16. Unn è surdatu e porta a spata
    e spatulia fin'a kuannu campa.
    ? = U piscispata.
    
    
17. Sboccianu comu li funci,
    cuannu u signuri chianci.
    ? = I paraccua.
    
    
18. Sia di jornu ca di notti,
    sia a lu lustrhu ca a lu scuru,
    puru fermu gira ntunnu,
    cu li spaddhi sempri a muru.
    ? = U rologgiu a muru.
    
    
19. So patrhi unn'asistia e manku so nannu,
    e kuannu si maritau unn avia un annu.
    ? = Eva.
    
    
20. Si l'aspetti sempri veni,
    ma poi cuannu si nni va,
    t'assicuru unn meni chiù.
    ? = U tempu
    
    
21. Luntanu mi frastorna,
    vishinu mi piashi.
    Nun è focu ch'abbrusha,
    ma nun mi fa stari m pashi.
    ? = L'amuri.
    
    
22. Sugnu longhu e sugnu tunnu,
    sugnu mortu spirtusatu,
    ma risuscitu e rispunnu,
    si mi runi lu to shatu.
    ? = U fiscalettu.
    
    
23. U scrivi supra a carta o arruppi un fazzulettu,
    si nun ti fai fidili, ci appizzi lu rispettu.
    ? = L'appuntamentu.
    
    
24. Farfalli, farfallini e farfalluni,
    vonnu dinari senza calunii.
    ? = I cammiali.
    
    
25. Oh! chi ciauru di tumazzu!
    Oh! chi ciauru di stufatu!
    vaiu lestu pi manciari
    e m'attrhovu carciaratu.
    ? = U surci na ciappula.
    
    
26. Sugnu fridda di natura,
    me maritu mi cuaria.
    A la notti m'abbannuna,
    ma lu jornu sta cu mmia.
    ? = A terra e u suli.
    
    
27. Haiu lu senzu meu trhaviatu tantu,
    ca n tempu un'ura mi firriu lu munnu.
    Haiu firriatu Roma cu Palermu ntunnu
    e m'arritrhovu o locu unni sugnu santu.
    ? = U sonnu.
    
    
28. Semu dui soru e ci avemu um patrhuni,
    sempri cu iddhu stamu s'è sanu.
    Ma si pi sorti è nto lettu u patrhuni,
    Panzi vacanti e ristamu all'agnuni.
    ? = I scarpi.
    
    
29. Oh! chi kosa, mamma mia!
    Prima iu stava rintrha o patrhuni,
    ora u patrhuni sta dintrha ri mia.
    ? = U Ureddhu e a sasizza.
    
    
30. A jettu ra muntagna e nun zi rumpi,
    A jettu nall'accua e si rumpi.
    ? = A carta.
    
    
31. Ci haiu rintrha shinku anciddhi,
    Tutti cuanti minutiddhi.
    Unu nfila e unu sfila,
    fannu beni la so' tila.
    E lu saccu cuann'è kinu,
    posa n terra e fa kaminu.
    ? = A cuasetta.
    
    
32. Havi coddhu e nun havi testa.
    Havi vrazza e nun havi manu.
    Havi panza e nun havi biddhicu.
    Havi culu e nun havi pirtusu.
    ? = A cuartara.
    
    
33. A li giuvini galanti,
    li talia e ci sta davanti.
    Cu la so' beddha rushizza,
    sempri tocca e accarizza.
    ? = U varveri.
    
    
34. U viscuvu di Milanu
    notti e ghiornu l'havi n manu.
    ? = Aneddhu
    
    
35. U viscuvu n'havi unu,
    U Papa n'havi chiù,
    I fimmini baggiani
    ni vonnu a trhi e a du'.
    ? = Aneddhi.
    
    
36. Haiu um pirtusu ma fazzu tanti pirtusa.
    ? = L'augghia.
    
    
37. Ci sunnu novi frati
    rintrha um paru 'i causi.
    ? = L'arancia.
    
    
38. Sugnu sicca, longha e beddha,
    e haiu n testa na fiammeddha.
    Brillu sempri e unn haiu fumu,
    ma a picca a picca mi cunzumu.
    ? = A cannila.
    
    
39. Cu è dhu stortu chi tagghia li ammi a li dhitti?
    ? = A faushi.
    
    
40. Sugnu arriddushutu peddhi e ossa.
    Staiu appuiatu a nu debbuli vastuni.
    Nto mmernu mi stiranu li ossa
    e ntall'estati mi jettanu non agnuni.
    ? = U paraccua.
    
    
41. Cual'è dha cosa chi kuannu è chiù kaura è chiù frisca?
    ? = U pani
    
    
42. Hannu na beddha cualità,
    piashinu a tutti li pirsuni.
    Ora kà, ora dhà,
    cancianu sempri patrhuni.
    ? = I picciuli.
    
    
43. Nasci cu li corna,
    Campa senza corna,
    Mori cu li corna.
    ? = A luna.
    
    
44. U figghiu nghratu vastunia a sso matrhi.
    ? = U baccagghiu ra campana.
    
    
45. Beddhu a viriri,
    caru a accattari.
    Jinkilu 'i carni
    e lassalu stari.
    ? = L'aneddhu
    
    
46. Si nun mi movu sugnu fimmina,
    si mi movu sugnu masculu.
    ? = L'aria e u ventu.
    
    
47. Havi la varva la miskineddha,
    poi si marita e fa ricutteddha.
    ? = A crapa.
    
    
48. Bongiornu, è kapurannu,
    sugnu chiddhu r'oggiallannu.
    Vi la sonu puru avannu?
    ? = A sharameddha.
    
    
49. Haiu li fratuzzi mei tutti uniti
    m mezzu li carciareddhi carciarati,
    ci nn'esti russi e ci nn'esti shuriti
    rintrha li cammisseddhii livicati.
    ? = U ranatu.
    
    
50. A lu jornu va kamminannu,
    a la sira arresta a vucca aperta.
    ? = A scarpa.
    
    
51. Havi la testa e unn'havi miruddha.
    Havi la panza e unn'havi vureddha.
    ? = U ritrhattu.
    
    
52. Jivi na Maddalena
    e vitti ca era prena,
    ci tuccai a natura
    e vitti ca era ura.
    ? = U pani livitatu.
    
    
53. Chiù la tiri, chiù saccurza.
    ? = A sicaretta.
    
    
54. Vinni u re di Napuli
    avia lu culu papuli papuli,
    s'assittau na seggiteddha
    e ci careru tutti i ureddha.
    ? = U sculapasta.
    
    
55. Sirishi e sirishi trhentarui
    l'haiu iu e l'aviti vui
    e si vui nun l'aviti
    siti vecchiu e vi ruriti.
    ? = I renti.
    
    
56. E' tunnu e nun è munnu,
    è a feddha e nun è miluni,
    spara e nun è cannuni.
    ? = U culu.
    
    
57. Sutt'o lettu ri me nanna,
    c'è na cosa tunna tunna,
    si la vaiu pi tuccari,
    tuttu u munnu fa trhimari
    ? = A campana
    
    
58. Tunnu, ritunnu,
    bicchieri senza funnu,
    bicchieri nun è,
    e allura socch'è?
    ? = L'aneddhu
    
    
59. Rutuliu, rutuliu,
    caru n terra e fumazziu.
    ? = A merda
    
    
60. Ahiai moru! nun mi tuccari.
    ma si mi spogghiu ti fazzu arricriari.
    ? = A ficurinnia.
    
    
61. Camina muru muru
    ca coffiteddha n kulu!
    ? = U babbalushu.
    
    
62. Scinni rirennu
    e acchiana chianciennu.
    ? = U sicchiu nto puzzu.
    
    
63. Cu lu fa, lu fa pi vinnilu,
    cu l'accatta nun lu usa,
    cu lu usa nun lu viri.
    ? = U tabbutu.
    
    
64. C'è na mannara di pecuri curti,
    cuannu piscianu, piscianu tutti.
    ? = I sharamiri cuannu chiovi.
    
    
65. Nta na casazza
    c'è na vicchiazza
    cun zulu renti
    e chiama li genti.
    ? = A campana.
    
    
66. Haiu na casciteddha china r'ossa,
    e dintrha cè na pezza tutta russa.
    ? = A ucca, i renti e a linghua.
    
    
67. Ci sunnu vinti frati
    di diffirenti statura,
    Deshi sunnu ammucciati
    E deshi a la lustrhura.
    Nzemmula sunnu nati
    A la stessa ura.
    ? = I jirita di manu e di peri.
    
    
68. C’è na scatula di rubbini,
    Sunnu russi e sunnu fini,
    Sunnu tutti dun kuluri,
    Cu l’abbisa è un gran dutturi.
    ? = U ranatu
    
    
69. Supr’on munti ci sunnu trhi signurini.
    Una vistuta di bianku, una vistuta di russu e una vistuta di niuru,
    A kuali di li trhi ci muriu u maritu?
    ? = I signurini nun hannu maritu.
    
    
70. Dui lushenti,
    dui puncenti,
    cuattrhu zocculi
    e na scupa.
    ? = A vacca.
    
    
71. Dintrh'on kammarinu c'è un zignurinu,
    cu na manu o shanku e vistutu di bianku.
    ? = U rinali.
    
    
72. supr'o munti di dandarandà,
    c'è una fimmina ca beni ci sta.
    E' vistuta di caramuscinu,
    a ku ma nzetta ci rugnu un karrinu.
    ? = A milinciana.
    
    
73. C’e na cosa chi va e veni
    E a la porta si trhatteni.
    C’è piriculu di muriri.
    Chi dishiti, lu lassu jiri?
    ? = U piritu.
    
    
74. Ronna Viulanti
    chi natichi tiranti,
    Cappeddhu virdi
    e bistina viulanti.
    ? = A milinciana.
    
    
75. Nesci cantannu e nun z’arricogghi chiù.
    ? = U piritu.
    
    
76. Haiu la me nnamurata,
    senza chiamata veni sula;
    Iu ci haiu rittu “ chi ssi sfacciata!
    fammi arripusari macari un’ ura!”
    ? = L'ummira.
    
    
77. Mancia do culu e caca da ucca.
    ? = U chianozzu.
    
    
78. Cu l'occhi mancia a carni
    e ka ucca mancia i pezzi.
    ? = A forfisha.
    
    
79. Unn è mpiraturi e porta a curuna,
    unn è kavaleri e porta lu sproni,
    Unn è monacu e kanta u matinu.
    Si l'abbisi sì un meru nnuvinu.
    ? = U addhu.
    
    
80. Havi u bustu ri lignu, a panza ri peddhi,
    e va kantannu vaneddhi vaneddhi.
    ? = U tammuru.
    
    
81. Socch’è chi kurri, dha cosa,
    chi ghiornu e notti mai s’arriposa?
    ? = U shumi.
    
    
82. N terra nasci, n terra crisci,
    fa lu fruttu ma nun ciurisci.
    ? = A funcia.
    
    
83. Nall’accua nasci, nall’accua pasci,
    u metti nall’accua pigghia e sparisci.
    ? = U sali
    
    
84. Cu è, chi senza busi e senza lana,
    pò tessiri pi na jurnata sana?
    ? = A rascatigna.
    
    
85. Cu è, ch' agghiutti e lanza a tutti i mumenti,
    pi ghinkiri li panzi di la genti?
    ? = U furnu.
    
    
86. Cu è, chi privu r’occhi e di pinzeri,
    camina senza manu e senza peri?
    ? = U rologgiu.
    
    
87. Cu fa, senza né arti né kurtura,
    ritrhatti tali e kuali a la natura?
    ? = U specchiu.
    
    
88. Ti la ricu e ti la rissi,
    ti la ricu nautrha vota,
    ca nni la fimmina ti la trhovu.
    E si ankora unn u sapiti,
    sceccu siti.
    ? = A tila
    
    
89. Cuannu passa iddhu,
    t’ha livari u cappeddhu.
    ? = U pettini.
    
    
90. Bianka a campagna,
    niura a simenza,
    l’omu chi simina sempri penza.
    ? = A scrittura
    
    
91. Ravanti s’accurza e darreri s’allongha.
    ? = A strhata.
    
    
92. Unn è né moddha né dura,
    ma trhapana li mura.
    ? = A Ushi.
    
    
93. Unn havi ucca e parra,
    unn havi peri e kamina.
    ? = A littrha.
    
    
94. Mastrh’Aspanu, mastrh’Aspanu,
    Chi fashiti na stu chianu?
    Nun manciati, né biviti,
    siccu e longhu vi fashiti.
    ? = L'asparashu sarvaggiu.
    
    
95. Riugghiu r’accua e bagnera di lignu,
    La carni chi c’è dintrha va parrannu.
    ? = A varca e i piscatura.
    
    
96. Mi scantu a tuccalla,
    mi scantu a pigghialla.
    Ci tagghiu la testa,
    ci tagghiu la cura
    e viu dhà rintrha
    na beddha signura.
    ? = A ficurinnia
    
    
97. È tunnu e nun è munnu,
    è russu e nun è focu,
    è acqua e nun è funtana,
    è virdi e nun è erva.
    ? = U miluni r'accua.
    
    
98. Virdi nasci.
    Niuru crisci,
    Russu campa,
    Bianku finisci
    ? = U carvuni
    
    
99. Haiu n’arancia chi u munnu firria,
    a mannu n Turkia e torna ni mia.
    ? = U suli.
    
    
100. L’abbrazzu, l’accarizzu
     e li pizzichi ci fazzu.
     Iddha cuntu a mmia mi runa,
     e iu ci cantu la canzuna.
     ? = A chitarra
     
     
101. C’è un mecchiu ca varva bianka.
     Sempri si movi e mai si stanka.
     ? = U mari
     
     
102. C’è un gran kannistrhu di rosi e di shuri,
     A notti si rapi e u jornu si chiuri.
     ? = U shelu
     
     
103. Virdi n kampagna
     Niuru m putia
     e russu n kasa mia
     ? = U carvuni.
     
     
104. Si viri ma nun zi tocca.
     ? = L'ummara.
     
     
105. Na bianka matrhi na niura figghia fishi,
     tantu fu tinta la figghia chi fishi,
     ca si manciau la povira matrhi.
     ? = A fava e a papuzzana
     
     
106. N kapu na muntagna
     c'è na cosa magna magna
     cu lu tuppu a la spagnola
     pi ku l'abbisa c'è kuattr'ova.
     ? = U musulucu [Chiantima com' e sparashi]
     
     
107. Longha lunghetta
     la me sharavetta
     la ettu nall'aria
     e focu mi etta.
     ? = A scupetta.
     
     
108. Jivi nton jardinu
     c'eranu tanti signurini
     cu jia, cu vinìa,
     e ku arristava a mezza via.
     ? = I furmiculi.
     
     
109. Jivi nton jardinu
     c'era um porcu spinu
     lu jivi pi tuccari
     e mi fishi santiari
     ? = U carduni
     
     
110. Di shinku frati, unu sulu havi u cappeddhu.
     ? = U jiritu cu jiritali.
     
     
111. Ci sunnu trhiccentusessantasei latrhi,
     tutti trhiccentu sunnu carciarati,
     trha carciarati e karciarateddhi
     lushinu tutti comu l'aneddhi.
     ? = U ranatu.
     
     
112. C'è na staddha
     cu tanti cavaddhi bianki
     e unu russu no mezzu
     chi kumminci a tutti.
     ? = A ucca, i renti e a linghua
     
     
113. C'è un jardinu, tuttu di rosi chinu;
     nun zunnu a trhoffa, ma sunnu a pruvinu;  (a pruvinu=sparsi)
     tuccari nun zi ponnu cu li manu.
     P'abbisarimi stu dubbiu nimminu (nimminu=enigmino)
     tempu ti nni rugnu un annu sanu.
     ? = U shelu chi stiddhi
     
     
114. Cuali fimmina si fa allunghari i trhizzi
     e poi si vesti di li so' virdi lazzi,
     e fa na figghia di tanti biddhizzi
     chi l'omini boni li fa divintari pazzi!?
     ? = A vigna.
     
     
115. M mezzu a dui muntagni feroshi,
     c'è na baddha chi ghietta vushi!
     
     ? = U scorreggiu.
     
     
116. Russu russeddhu nton kannistrheddhu,
     ni tiru unu e nni veni un munzeddhu.
     ? = I shirasi.
     
     
117. Arvulu curtu ch’unn zi cci pò acchianari,
     prima fa lu fruttu e poi lu shuri.
     ? = A chiantima ‘i carcocciuli.
     
     
118. Haiu na cosa di beddhu culuri,
     tutti l'avemu e ci mittemu amuri.
     ? = U sanghu.
     
     
119. C’è nna cosa chi pi lu munnu va
     dui a vannu cunnushennu e sunnu trhi
     a ku m'abbisa stu dubbiu kà,
     lu re ci riala durishi tarì.
     ? = U carruzzinu, u sceccu e u patrhuni.
     
     
120. Haiu na cosa a kuattrhu peri,
     iu la tiru e si nni veni
     si nni veni pi lu biddhicu.
     Abbisati soccu vi ricu.
     ? = U casciuni ru taulu
     
     
121. Haiu na cammareddha
     firriata r'ossiceddha:
     dintrha c'è na monacheddha.
     ? = A ucca.
     
     
122. Vinni un monacu di Partanna
     vinni a futtiri a to nanna,
     la futtiu e la strhafuttiu,
     a lassau n trhirici e si nni jiu.
     ? = U Sagnaturi (Matterello)
     
     
123. Ci allargu li cosci,
     ci strhinciu li minni;
     ah, soccu mi vinni!
     ? = U latti da pecura.
     
     
124. Cuannu semu fimmini attisateddhi,
     di tutti i picciotti semu arrifiutati,
     Ma cuannu l'occhi nostrhi su' picchiusi,
     lu culu apertu e li testi calati,
     Di tutti semu allura addisiati.
     ? = I ficu zubbi e i ficu fatti.
     
     
125. Un jornu vitti abballari un giovinottu
     chi ku um piruzzu l'abballu fashia,
     n testa purtava un beddhu cappiddhottu
     e poi di sutta na cosa ci niscia.
     Si tu m'abbisi stu dubbiottu,
     un omu megghiu ri tia nun ci saria!
     ? = U fusu
     
126. Pinniculì pinnaculà pinnia
     sutta li cosci di la mamma Dia,
     cuannu la mamma Dia aisa la coscia,
     pinniculì pinnaculà si nghrossa!
     ? = U fusu
     
127. T'acchiappu pi lu pettu,
     ti strhinciu pi li minni:
     tiritrhàcchiti chi si nni vinni.
     ? = Viviri no shascu.
     
     
128. Supra pilu, sutta pilu,
     Jisa a amma ca ta nfilu.
     ? = A cuasetta
     
     
129. A batissa di pignipignazzi,
     havi a tonaca pizzi pizzi,
     cu li spinghuli appuntati,
     pi sarvari a virginitati.
     ? = A carcocciula.
     
     
130. Haiu na cosa longha um parmu,
     cu a testa russa chi va sculannu.
     ? = A cannila.
     
     
131. Sugnu friddu pi natura,
     ma a la fimmina fazzu beni,
     Si m’acchiana la calura,
     fazzu chiddhu chi kummeni.
     ? = U ferru 'i stirari.
     
     
132. Talia dhà, talia dhà,
     chi ci penni o to papà?
     ? = U rologgiu 'i taskinu.
     
     
133. U re l’havi rossu,
     u papa l’havi chiù grossu,
     ma la reggina chiancia
     picchì chiù grossu lu vulia.
     ? = L'aneddhu.
     
     
134. Du' omini lu ponnu fari,
     Un omu e na fimmina lu ponnu fari
     Dui fimmini nun lu ponnu fari.
     ? = A cunfissioni.
     
     
135. Um picciutteddhu la trhasi e nesci,
     a trhasi asciutta e a nesci vagnata
     cu a puntiddha nzanghuinata.
     ? = A pinna e u nchiostrhu.
     
     
136. Alliccu, alliccu, n kulu ta ficcu.
     Tantu haiu r’ alliccari,
     ca nto culu ti l’ha a nfilari.
     ? = L'augghia e u filu.
     
     
137. C’è na cosa longha e tisa,
     ch’a tutti i morti veni misa.
     ? = A cannila.
     
     
138. Trhasi rura e nesci moddha.
     ? = A pasta.
     
     
139. St' abbisu è na cosa 'i pazzi,
     Si n kulu ta mettu, tu mi rishi "grazi".
     ? = A seggia.
     
     
140. Misa o suli s’arrimoddha,
     e nall’accua si fa tisa.
     ? = A corda.
     
     
141. C'é na cosa cuant'om parmu
     chè gauta di skina,
     Cuannu è ura di dha cosa
     pilu pilu s'arrimina.
     ? = U rasolu.
     
     
142. Donna Cristina ch’è fatta cristiana,
     da so santitati a tutti runa.
     Havi um pirtusu sutta a suttana,
     e a ku porta dinari ci nni runa.
     ? = A utti.
     
     
143. Sutta a fodera da cammisa,
     c’è na cosa tisa tisa,
     e ssi si voli tuccari,
     Jetta ushi di spirtari.
     ? = A campana.
     
     
144. Iu nascivi nta na furesta.
     Haiu ammi e nun haiu testa.
     O su’ beddhi o sunnu brutti,
     vaiu tuccannu u culu a tutti.
     ? = A seggia.
     
     
145. A tutti i posti signura mi purtati,
     ma no lettu cu vui nun mi vuliti.
     ? = A scarpa.
     
     
146. Nkapu pilu, sutta pilu,
     nmezzu c'è lu mariolu.
     ? = L'occhiu.
     
     
147. Tutti i fimmini ci l’hannu,
     cu l’havi ruttu e ku l’havi sanu.
     ? = U jiritali
     
     
148. Cu lu tantu fricuniari,
     a signura cunzuma u cavaleri.
     ? = A rattalora.
     
     
149. Panza cu panza
     A lu monacu s’avanza.
     Um pizzuddhu ‘i carni crura
     Fa addivertiri a signura.
     ? = A chitarra.
     
     
150. Aisati aisati a cammiseddha,
     ca ti fazzu na nica cosa;
     Nun ti scantari ca ti trhasi tisa
     Dumani agghiorni comu na rosa.
     ? = A gnizioni.
     
     
151. Ta nfilu nto culu,
     ta trhasu nta ucca,
     t’azziccu nt’asciddhi,
     ta mettu nne manu.
     E kuannu cuariu ma viu aisari.
     Cuannu arrifriddu ma viu calari.
     ? = U termometrhu e a frevi.
     
     
152. Pilu cu pilu si juncinu a notti.
     ? = I shigghia.
     
     
153. C’è um picciutteddhu 'i cuattordishi anni,
     Ch’a trhasi e nesci comu unu ranni
     a trhasi asciutta, a nesci vagnata
     cu a puntiddha arrussicata.
     ? = A sicaretta.
     
     
154. Caminannu, caminannu
     ma vaiu tuccannu.
     ? = A sacchetta.
     
     
155. Lu culu nta petrha
     La facci nto culu
     E i manu nte minni.
     ? = U craparu chi munci.
     
     
156. Li mei bianki cosci,
     li toi bianki e lisci,
     Si juncinu cosci cu kosci,
     e komu finisci finisci.
     ? = I linzola
     
     
157. Trhasi moddhu e nesci ruru.
     ? = U pani no furnu.
     
     
158. O scuru o scuru,
     ci la nfilu nto culu.
     ? = A chiavi.
     
     
159. Nfilannu nfilannu,
     firriannu firriannu,
     fa dha cosa eppoi s'arriposa.
     ? = A chiavi.
     
     
160. Mentrhi u zu Masi si runghulia,
     Nmezzu a li ammi ci pinnulia.
     ? = A curuna du rosariu.
     
     
161. O scuru o scuru,
     Mu strhicu nto muru.
     ? = U shirinu.
     
     
162. A vecchia si cala e u parrinu ci la nfila.
     ? = L'ostia.
     
     
163. Scinnivi nton jardinu,
     Ci attrhuvai un zignurinu
     Ci sbuttunai u nappuni
     E mi nisciu um pistuluni.
     ? = U Ranuni (Granuturcu).
     
     
164. Berlusconi l'avi longhu,
     Fini l'avi curtu,
     u papa l'avi ma nun lu usa,
     u zitu lu prumetti,
     to maritu ti lu metti.
     ? = U cugnomi.
     
     
165. Trhasi tiranti tiranti,
     poi nesci moddha moddha e gucciulanti.
     ? = A pasta.
     
     
166. E' na cosa longha e tisa
     cu nu baddhu chi ci pisa.
     ? = A statia.
     
     
167. Vinni u re di Sirausa,
     la purtau longha e pilusa,
     a reggina ci piashia
     ma chiù longha e pilusa la vulia.
     ? = A scupa pu tettu.
     
     
168. Na coscia kà,
     na coscia dhà,
     n mezzu ci sta lu cuaccuaraccuà.
     Iddha mi rirì,
     iu ci la mittì;
     s'unn mi riria
     nun ci la mittia.
     ? = U Cuararu chi bugghi e a pasta.
     
     
169. Cuannu iu vegnu ni tia
     tu l'ha metti n kulu a mmia,
     cuannu tu veni ni mia
     iu la mettu n kulu a ttia.
     ? = A seggia.
     
     
170. Jivi a Milanu,
     purtai um parmu di robba m manu.
     Ci la purtai a la me murusa
     e cci l'appizzai nta la pilusa.
     ? = U fermacapiddhi.
     
     
171. Dui la tennu e iu mi la godu,
     ma a iddha assai ci abbrusha.
     ? = A sicaretta addumata.
     
     

ringhraziu e tanti chi mi mannaru l'abbisi.