1. Vitti veniri 'na turri purtari,
    quant'era spiçiusa di virìri.
    Havi tanti pirtusa a tanti rari,
    cu' třasi ğà rintřa va a murìri.
    ? = A řiti 'i piscari.

  2. Dui 'O' e quattřu 'I',
    'na casciata e um pipiripì.
    ? = I řoti du carrettu, i ammi ru mulu e u carritteri.

  3. Appizza, muzzica e mori.
    ? = A lapa.

  4. Quannu veni iğğu, iğğa si nni va.
    Quannu veni iğğa, iğğu si nni va.
    ? = U jornu e a notti.

  5. Si ssi pueta e la menti t'abbasta,
    M'ha diri cui camina cu la testa.
    ? = I Tacci ri scarpi

  6. Turtuliğğu řutuliava
    senza peri caminava,
    senza culu si sidia.
    Comu riavulu façia?
    ? = A marreğğa di lana.

  7. Ntantarantà unni la metti sta.
    ? = A scupa.

  8. Carcocciula di quaranta fogghi,
    chiù l'arrimini e chiù la mmrogghi.
    Pizzicannu pizzicannu,
    ti la spassi tuttu l'annu.
    ? = U mazz'i carti.

  9. Oh chi ciauru ri peğği !
    Ah chi russicu ri feğği !
    Zittu, zittu ‘un fari vuçi:
    Veni tastalu ch’è duçi.
    ? = U miluni r’acqua.

  10. Nìuru niuru cumu un tizzuni,
    assittatu comu un minchiuni...
    ma si fa cuntari tuttu ra genti.
    ? = U parrinu

  11. Milli fimmini nton casteğğu
    nun c'è porta né purteğğu.
    La so porta è lu cuteğğu.
    ? = U ranatu

  12. Třic třac patři Canneğğa,
    quattřu ağğivuzzi ca cammiseğğa.
    ? = a nuçi.

  13. Haiu vistu ammazzari 'na řiggina,
    nta 'na campagna tutta nvirdicata,
    cu lu sanġuzzu chi cci curria a lavina
    di la facciuzza tutta scapisata.
    Mancu spunta lu jornu la matina,
    chi nta 'na fossa scura fu purtata.
    ? = A řaçina

  14. Mamma mia, chistu chi è?
    Havi li corna e voi nun è,
    pitta li mura e pitturi nun è;
    mamma mia chistu chi è?
    ? = U babbaluçiu

  15. Nzirtatimi cu' è,
    Ca ci vota u culu o ře.
    ? = U carruzzeri.

  16. Çiaschiteğğu meu binignu,
    sì di crita o sì di lignu,
    Pi lu santu chi iu aruru
    nun ti lassu s' 'un ti sculu.
    ? = U mmriacuni

  17. Scinni cantannu cantannu
    E acchiana chiancennu chiancennu
    ? = U sicchiu nto puzzu

  18. Haiu 'n carratiđđuzzu senza çirca;
    cc'è vinu di rui sorti e nun s’ammisca.
    ? = L' Ovu

  19. Si ssi purta e la menti t'abbasta
    M'ha diri cui camina cu la testa.
    ? = I Tacci ri scarpi

  20. Nun è re e havi a curuna,
    nun è ruloggiu e sona,
    nun è cavađđu e havi spiruna.
    ? = U Ađđu

  21. Sugnu misa all'acqua e o ventu,
    Tutti chiamu e iu nun sentu;
    Ucca larga, labbru stortu,
    Chiamu o vivu e chianciu u mortu.
    ? = A Campana

  22. Iu m'accostu e tu t'accosti,
    Iu m'arrassu e tu t'arrassi;
    Sugnu vinutu ccà,,
    Pi sapiri a virità.
    ? = U Specchiu

  23. Supra lu nzippiti nzippiti pizzu,
    c'era 'n açeğğu chi nzippitiava,
    e notti e ghiornu mai si zittia.
    ? = U řologgiu ra turri

  24. Sutta na macchia ri dindirindà
    c'e na signura chi beğğa si fa.
    A cu mi la nzerta e a cu ma nnuvina
    ci rugnu nu beğğu řappu 'i řaçina.
    ? = A milinciana

  25. Li çimi ri sutta e lu zuccu ri supra.
    ? = A scupa.

  26. Cum piseğğu di çiriveğğu,
    parra e 'un zapi soccu riçi
    ? = U pappaağğu.

  27. Mentři ca la spogghiu mi fa chianciri.
    ? = A çipuğğa

  28. Hannu vinutu centu malandřini,
    hannu ammazzatu a tutti li mischini;
    cu li cuteğğa so' l'hannu ammazzatu,
    chiğğu chi ci pinnia ci hannu tagghiatu.
    ? = A vinnigna

  29. Sugnu auta quant' un palazzu,
    caru 'n terra e nenti mi fazzu.
    ? = L' aliva

  30. Sutta na macchia ri dindirindà
    c'e na signura chi beğğa si fa.
    A cu mi la nzerta e a cu ma nnuvina
    ci rugnu nu beğğu řappu 'i řaçina.
    ? = A milinciana

  31. Fofu è all'erta ntřa li fraschi,
    Fifu çerca cu li naschi.
    ? = U cacciaturi e u cani.

  32. Ticchiti ticchitti, dumani partu.
    Ticchiti ticchiti, affari fattu.
    Ticchiti ticchiti, arrivu filiçi.
    ticchiti ticchiti, salutu l'amiçi.
    ? = U telegrafu.

  33. Haiu na cosa chi va e veni,
    arriva a la porta e si třatteni;
    è ğà jiusu chi voli sciri,
    chi diçiti lu lassu jiri?
    ? = U piritu

  34. Centuçinquanta assittati a la panca,
    unu cu l'autřu si runanu a biviri.
    ? = I çiaramiri

  35. Ca ucca canta e cu culu s'accumpagna.
    ? = U sceccu ch'arragghia.

  36. Quannu è friddu è addumatu,
    quannu è cauru è astutatu.
    ? = U frigoriferu.

  37. Nun è surdatu e porta a spata
    e spatulia fin'a quannu campa.
    ? = U piscispata.

  38. Scinni cantannu cantannu
    E acchiana chiancennu chiancennu.
    ? = U sicchiu nto puzzu.

  39. Sboccianu comu li funci,
    quannu u signuri chianci.
    ? = I paracqua.

  40. Supra ğu munti,
    ci sta lu pippardenti,
    cu lu cappeddu 'n frunti,
    chi si talìa li anchi.
    ? = A funcia

  41. Sia di jornu ca di notti,
    sia a lu lustřu ca a lu scuru,
    puru fermu gira ntunnu,
    cu li spağği sempri a muru.
    ? = U řologgiu a muru.

  42. So patři 'un asistia e mancu so nannu,
    e quannu si maritau nun avia un annu.
    ? = Eva.

  43. Si l'aspetti sempri veni,
    ma poi quannu si nni va,
    t'assicuru 'un meni chiù.
    ? = U tempu

  44. Luntanu mi frastorna,
    viçinu mi piaçi.
    Nun è focu ch'abbruçia,
    ma nun mi fa stari 'm paçi.
    ? = L'amuri.

  45. Sugnu lonġu e sugnu tunnu,
    sugnu mortu spirtusatu,
    ma řisuscitu e rispunnu,
    si mi runi lu to çiatu.
    ? = U fiscalettu.

  46. U scrivi supra a carta o arruppi un fazzulettu,
    si nun ti fai fidili, ci appizzi lu rispettu.
    ? = L'appuntamentu.

  47. Farfalli, farfallini e farfalluni,
    vonnu dinari senza calunii.
    ? = I cammiali.

  48. Iddu è lordu, iddu è fitusu,
    ma iddu è bonu lu schifiusu!
    ? = U porcu

  49. Oh! chi ciauru di tumazzu!
    Oh! chi ciauru di stufatu!
    vaiu lestu pi manciari
    e m'attřovu carciaratu.
    ? = U surci na ciappula.

  50. Sugnu fridda di natura,
    me maritu mi cuaria.
    A la notti m'abbannuna,
    ma lu jornu sta cu mmia.
    ? = A terra e u suli.

  51. Haiu lu senzu meu třaviatu tantu,
    ca 'n tempu un'ura mi firriu lu munnu.
    Haiu firriatu Řoma cu Palermu ntunnu
    e m'arritřovu o locu unni sugnu santu.
    ? = U sonnu.

  52. Semu dui soru e ci avemu um patřuni,
    sempri cu iğğu stamu s'è sanu.
    Ma si pi sorti è nto lettu u patřuni,
    Panzi vacanti e ristamu all'agnuni.
    ? = I scarpi.

  53. 'na coscia cà,
    'na coscia ğà,
    'n mezzu ci sta lu quaquaraquà.
    ? = U cuararu supr' o focu.

  54. Iğğa mi řirì,
    iu ci la mittì;
    s''un mi řiria
    nun ci a mittia.
    ? = U cuararu chi bugghi e a pasta.

  55. Oh! chi cosa, mamma mia!
    Prima iu stava rintř' o patřuni,
    ora u patřuni sta dintřa ri mia.
    ? = U Ureğğu e a sasizza.

  56. A jettu ra muntagna e nun zi řumpi,
    A jettu nall'acqua e si řumpi.
    ? = A carta.

  57. Iddu è lordu, iddu è fitusu,
    ma iddu è bonu lu schifiusu!
    ? = U porcu

  58. Ci haiu rintřa çincu anciğği,
    Tutti quanti minutiğği.
    Unu nfila e unu sfila,
    fannu beni la so' tila.
    E lu saccu quann'è chinu,
    posa 'n terra e fa caminu.
    ? = A cuasetta.

  59. C'è 'na varcuzza ch'è fatta ri tila,
    cu ventu e senza ventu si řimina.
    La carni chi c'è dintřa chianci e riri,
    la carni, chi c'è fora, canta e sona.
    ? = A naca

  60. Havi coğğu e nun havi testa.
    Havi vrazza e nun havi manu.
    Havi panza e nun havi biğğicu.
    Havi culu e nun havi pirtusu.
    ? = A quartara.

  61. A li giuvini galanti,
    li talia e ci sta davanti.
    Cu la so' beğğa ruçizza,
    sempri tocca e accarizza.
    ? = U varveri.

  62. U viscuvu di Milanu
    notti e ghiornu l' havi 'n manu.
    ? = Aneğğu

  63. U viscuvu n'havi unu,
    U Papa n'havi chiù,
    I fimmini baggiani
    ni vonnu a tři e a du'.
    ? = Aneğği.

  64. Haiu um pirtusu ma fazzu tanti pirtusa.
    ? = L'augghia.

  65. Ci sunnu novi frati
    rintřa um paru 'i causi.
    ? = L'arancia.

  66. Sugnu sicca, lonġa e beğğa,
    e haiu 'n testa 'na fiammeğğa.
    Brillu sempri e nun haiu fumu,
    ma a picca a picca mi cunzumu.
    ? = A cannila.

  67. cu' è ğu stortu chi tagghia li ammi a li ğitti?
    ? = A fauçi.

  68. Oh chi ciauru di peğği !
    Ah chi russicu ri feğği !
    Zittu, zittu ‘un fari vuçi:
    Veni tastalu ch’è duçi.
    ? = U miluni r’acqua.

  69. Sugnu arridduçiutu peğği e ossa.
    Staiu appuiatu a nu debbuli vastuni.
    Nto mmernu mi stiranu li ossa
    e ntall'estati mi jettanu non agnuni.
    ? = U paracqua.

  70. Qual'è ğa cosa chi quannu è chiù caura è chiù frisca?
    ? = U pani

  71. Nìuru niuru cumu un tizzuni,
    assittatu comu un minchiuni...
    ma si fa cuntari tuttu ra genti.
    ? = U parrinu

  72. Hannu 'na beğğa qualità,
    piaçinu a tutti li pirsuni.
    Ora cà, ora ğà,
    cancianu sempri patřuni.
    ? = I picciuli.

  73. Nasci cu li corna,
    Campa senza corna,
    Mori cu li corna.
    ? = A luna.

  74. U figghiu nġratu vastunia a sso matři.
    ? = U baccagghiu ra campana.

  75. Beğğu a viriri,
    caru a accattari.
    Jinchilu 'i carni
    e lassalu stari.
    ? = L'aneğğu

  76. E’ dura, ma nun zempri è dura;
    appena è moğğa ci cala a duçiura.
    ? = A ficu

  77. Si nun mi movu sugnu fimmina,
    si mi movu sugnu masculu.
    ? = L'aria e u ventu.

  78. Havi la varva la mischineğğa,
    poi si marita e fa ricutteğğa.
    ? = A crapa.

  79. Bongiornu, è capurannu,
    sugnu chiğğu r'oggiallannu.
    Vi la sonu puru avannu?
    ? = A çiarameğğa.

  80. Haiu li fratuzzi mei tutti uniti
    'm mezzu li carciareğği carciarati,
    ci nn'esti řussi e ci nn'esti çiuriti
    rintřa li cammisseğğii livicati.
    ? = U řanatu.

  81. Pigghia a mira ri carcagna
    e va nzerta lu nasu.
    ? = U piritu

  82. Haiu 'na cosa senza tettu
    dintřa c'è sirenità.
    Quannu poi ci fazzu u tettu,
    třona e lampi 'n quantità.
    ? = U řinali

  83. A lu jornu va camminannu,
    a la sira arresta a vucca aperta.
    ? = A scarpa.

  84. Havi la testa e unn'havi miruğğa.
    Havi la panza e unn'havi vureğğa.
    ? = U řitřattu.

  85. Jivi na Maddalena
    e vitti ca era prena,
    ci tuccai a natura
    e vitti ca era ura.
    ? = U pani livitatu.

  86. Chiù la tiri, chiù saccurza.
    ? = A sicaretta.

  87. E lu pisci, lu beğğu pisci
    mettilu ‘n manu, chi subbitu crisci
    . Chista è cosa ri tentazioni
    chiù si tocca e chiù si movi.
    ? = U pisci r’ovu

  88. Vinni u ře di Napuli
    avia lu culu papuli papuli,
    s'assittau na seggiteğğa
    e ci careru tutti i ureğğa.
    ? = U sculapasta.

  89. Siriçi e siriçi třentarui
    l'haiu iu e l'aviti vui
    e si vui nun l'aviti
    siti vecchiu e vi řuriti.
    ? = I renti.

  90. E' tunnu e nun è munnu,
    è a feğğa e nun è miluni,
    spara e nun è cannuni.
    ? = U culu.

  91. Haiu 'na cammareğğa
    firriata r'ossiceğğa:
    dintřa c'è 'na monacheğğa.
    ? = A ucca.

  92. Sutt'o lettu ri me nanna,
    c'è 'na cosa tunna tunna,
    si la vaiu pi tuccari,
    tuttu u munnu fa třimari
    ? = A campana

  93. Tunnu, řitunnu,
    bicchieri senza funnu,
    bicchieri nun è,
    e allura socch'è?
    ? = L'aneğğu

  94. Řutuliu, řutuliu,
    caru 'n terra e fumazziu.
    ? = A merda

  95. Ahiai moru! nun mi tuccari.
    ma si mi spogghiu ti fazzu arricriari.
    ? = A ficurinnia.

  96. Camina muru muru
    ca coffiteğğa 'n culu!
    ? = U babbaluçiu.

  97. Scinni řirennu
    e acchiana chianciennu.
    ? = U sicchiu nto puzzu.

  98. cu' lu fa, lu fa pi vinnilu,
    cu' l'accatta nun lu usa,
    cu' lu usa nun lu viri.
    ? = U tabbutu.

  99. C'è 'na mannara di pecuri curti,
    quannu piscianu, piscianu tutti.
    ? = I çiaramiri quannu chiovi.

  100. Nta na casazza
    c'è 'na vicchiazza
    cun zulu renti
    e chiama li genti.
    ? = A campana.

  101. Haiu 'na casciteğğa china r'ossa,
    e dintřa cè 'na pezza tutta řussa.
    ? = A ucca, i renti e a linġua.

  102. Ci sunnu vinti frati
    di diffirenti statura,
    Deçi sunnu ammucciati
    E deçi a la lustřura.
    Nzemmula sunnu nati
    A la stessa ura.
    ? = I jirita di manu e di peri.

  103. C’è 'na scatula di řubbini,
    Sunnu řussi e sunnu fini,
    Sunnu tutti dun culuri,
    cu' l’abbisa è un gran dutturi.
    ? = U řanatu

  104. Supr’on munti ci sunnu tři signurini.
    Una vistuta di biancu, una vistuta di řussu e una vistuta di niuru,
    A quali di li tři ci muriu u maritu?
    ? = I signurini nun hannu maritu.

  105. Dui luçenti,
    dui puncenti,
    quattřu zocculi
    e 'na scupa.
    ? = A vacca.

  106. Dintř'on cammarinu c'è un zignurinu,
    cu 'na manu o çiancu e vistutu di biancu.
    ? = U řinali.

  107. supr'o munti di dandarandà,
    c'è 'na fimmina ca beni ci sta.
    E' vistuta di caramuscinu,
    a cu' ma nzetta ci rugnu un carrinu.
    ? = A milinciana.

  108. C’e 'na cosa chi va e veni
    E a la porta si třatteni.
    C’è piriculu di muriri.
    Chi diçiti, lu lassu jiri?
    ? = U piritu.

  109. Ronna Viulanti
    chi natichi tiranti,
    Cappeğğu virdi
    e vistina viulanti.
    ? = A milinciana.

  110. Haiu vistu tanti çittà
    e nun haiu pututu viriri Milanu.
    ? = Viririmi l' anu.

  111. Nesci cantannu e nun z’arricogghi chiù.
    ? = U piritu.

  112. Haiu la me nnamurata,
    senza chiamata veni sula;
    Iu ci haiu rittu “ chi ssi sfacciata!
    fammi arripusari macari un’ ura!”
    ? = L'ummira.

  113. Mancia do culu e caca da ucca.
    ? = U chianozzu.

  114. Cu l'occhi mancia a carni
    e ca ucca mancia i pezzi.
    ? = A forfiçia.

  115. Nun è mpiraturi e porta a curuna,
    Nun è cavaleri e porta lu sproni,
    Nun è monacu e canta u matinu.
    Si l'abbisi sì un meru nnuvinu.
    ? = U ağğu.

  116. Havi u bustu ri lignu, a panza ri peğği,
    e va cantannu vaneğği vaneğği.
    ? = U tammuru.

  117. Socch’è chi curri, ğa cosa,
    chi ghiornu e notti mai s’arriposa?
    ? = U çiumi.

  118. 'N terra nasci, 'n terra crisci,
    fa lu fruttu ma nun ciurisci.
    ? = A funcia.

  119. Nall’acqua nasci, nall’acqua pasci,
    u metti nall’acqua pigghia e sparisci.
    ? = U sali

  120. cu' è, chi senza busi e senza lana,
    pò tessiri pi 'na jurnata sana?
    ? = A řascatigna.

  121. cu' è, ch' agghiutti e lanza a tutti i mumenti,
    pi ghinchiri li panzi di la genti?
    ? = U furnu.

  122. cu' è, chi privu r’occhi e di pinzeri,
    camina senza manu e senza peri?
    ? = U řologgiu.

  123. cu' fa, senza né arti né curtura,
    ritřatti tali e quali a la natura?
    ? = U specchiu.

  124. Ti la ricu e ti la rissi,
    ti la ricu nautřa vota,
    ca nni la fimmina ti l' attřovu.
    E si ancora nun lu sapiti,
    sceccu siti.
    ? = A tila

  125. Quannu passa iğğu,
    t’ha livari u cappeğğu.
    ? = U pettini.

  126. Bianca a campagna,
    niura a simenza,
    l’omu chi simina sempri penza.
    ? = A scrittura

  127. Ravanti s’accurza e darreri s’allonġa.
    ? = A střata.

  128. Nun è né moğğa né dura,
    ma třapana li mura.
    ? = A Uçi.

  129. 'Un havi ucca e parra,
    'un havi peri e camina.
    ? = A littřa.

  130. Mastř’Aspanu, mastř’Aspanu,
    Chi façiti na stu chianu?
    Nun manciati, né biviti,
    siccu e lonġu vi façiti.
    ? = L'asparaçiu sarvaggiu.

  131. Řiugghiu r’acqua e bagnera di lignu,
    La carni chi c’è dintřa va parrannu.
    ? = A varca e i piscatura.

  132. Ah! Ah! cumpari Filiçi
    vostřa soru chi mi riçi?
    Si li cosi vannu 'm paru
    chi diçiti . . . cci la calu?
    ? = A pasta na pignata chi vugghi.

  133. La me signura cu li cosci tisi,
    stisi comu ru’ pampini di řosi,
    u juvineğğu chi cci appizza mprisi,
    cci appizzau lu tempu chi cci vosi.
    ? = U libbru

  134. Mi scantu a tuccalla,
    mi scantu a pigghialla.
    Ci tagghiu la testa,
    ci tagghiu la cura
    e viu ğà rintřa
    'na beğğa signura.
    ? = A ficurinnia

  135. È tunnu e nun è munnu,
    è russu e nun è focu,
    è acqua e nun è funtana,
    è virdi e nun è erva.
    ? = U miluni r'acqua.

  136. Virdi nasci.
    Niuru crisci,
    Russu campa,
    Biancu finisci
    ? = U carvuni

  137. Haiu n’arancia chi u munnu firria,
    a mannu 'n Turchia e torna ni mia.
    ? = U suli.

  138. L’abbrazzu, l’accarizzu
    e li pizzichi ci fazzu.
    Iğğa cuntu a mmia mi runa,
    e iu ci cantu la canzuna.
    ? = A chitarra

  139. Iu vegnu ri Missina
    e portu řobba fina.
    All’omini si cci ammoscia [ammostřa]
    e fimmini si cci infila.
    ? = L' aneğğu

  140. C’è un mecchiu ca varva bianca.
    Sempri si movi e mai si stanca.
    ? = U mari

  141. C’è un ġran cannistřu di řosi e di çiuri,
    A notti si řapi e u jornu si chiuri.
    ? = U çelu

  142. Virdi 'n campagna
    Niuru 'm putia
    e russu 'n casa mia
    ? = U carvuni.

  143. Si viri ma nun zi tocca.
    ? = L'ummara.

  144. 'na bianca matři 'na niura figghia fiçi,
    tantu fu tinta la figghia chi fiçi,
    ca si manciau la povira matři.
    ? = A fava e a papuzzana

  145. N capu 'na muntagna
    c'è 'na cosa magna magna
    cu lu tuppu a la spagnola
    pi cu' l'abbisa c'è quattř'ova.
    ? = U musulucu [Chiantima com' e sparaçi]

  146. Lonġa lunġetta
    la me çiaravetta
    la ettu nall'aria
    e focu mi etta.
    ? = A scupetta.

  147. Jivi nton gnardinu
    c'eranu tanti signurini
    cu' jia, cu' vinìa,
    e cu' arristava a mezza via.
    ? = I furmiculi.

  148. Jivi nton jardinu
    c'era um porcu spinu
    lu jivi pi tuccari
    e mi fiçi santiari
    ? = U carduni

  149. Di çincu frati, unu sulu havi u cappeğğu.
    ? = U jiritu cu jiritali.

  150. Ci sunnu třiccentusessantasei latři,
    tutti třiccentu sunnu carciarati,
    třa carciarati e carciarateğği
    luçinu tutti comu l'aneğği.
    ? = U řanatu.

  151. C'è 'na stağğa
    cu tanti cavağği bianchi
    e unu řussu no mezzu
    chi cumminci a tutti.
    ? = A ucca, i renti e a linġua

  152. C'è un gnardinu, tuttu di řosi chinu;
    nun zunnu a třoffa, ma sunnu a pruvinu;  (a pruvinu=sparsi)
    tuccari nun zi ponnu cu li manu.
    P'abbisarimi stu dubbiu nimminu (nimminu=enigmino)
    tempu ti nni rugnu un annu sanu.
    ? = U çelu chi stiğği

  153. Quali fimmina si fa allunġari i třizzi
    e poi si vesti di li so' virdi lazzi,
    e fa 'na figghia di tanti biğğizzi
    chi l'omini boni li fa divintari pazzi!?
    ? = A vigna.

  154. 'M mezzu a dui muntagni feroçi,
    c'è 'na bağğa chi ghietta vuçi!

    ? = U scorreggiu.

  155. Řussu řusseğğu nton cannistřeğğu,
    ni tiru unu e nni veni un munzeğğu.
    ? = I çirasi.

  156. Arvulu curtu
    ch’'un zi cci pò acchianari,
    prima fa lu fruttu
    e poi lu çiuri.
    ? = A chiantima ‘i carcocciuli.

  157. Haiu 'na cosa di beğğu culuri,
    tutti l'avemu e ci mittemu amuri.
    ? = U sanġu.

  158. C’è 'na cosa chi pi lu munnu va
    dui a vannu cunnuçennu e sunnu tři
    a cu' m'abbisa stu dubbiu cà,
    lu ře ci řiala duriçi tarì.
    ? = U carruzzinu, u sceccu e u patřuni.

  159. Haiu 'na cosa a quattřu peri,
    iu la tiru e si nni veni
    si nni veni pi lu biğğicu.
    Abbisati soccu vi ricu.
    ? = U casciuni ru taulu

  160. ‘N anca ccà e ‘n anca ğà.
    Mi suca la miruğğa e si nni va.
    ? = U libbru

  161. E’ dura, ma nun sempri è dura;
    appena ammoğğa ci cala a duçiura.
    ? = A ficu

  162. E ghiemuninni a la casa ch’è notti
    e ghiemu a fari li soliti fatti
    quannu si juncinu upilu cu pilu
    e ğa cosa chiù nnintřa ta nfilu.
    ? = L’occhi si chiurinu nfunnu pi dormiri.

  163. Vinni un monacu di Partanna
    vinni a futtiri a to nanna,
    la futtiu e la střafuttiu,
    a lassau 'n třirici e si nni jiu.
    ? = U Sagnaturi (Matterello)

  164. Vaiu na me signura
    cci staiu quant’un’ura
    nesciu ğa cosa liscia
    e cci a nfilu r’unni piscia.
    ? = A canneğğa ra utti

  165. Ci allargu li cosci,
    ci střinciu li minni;
    ah, soccu mi vinni!
    ? = U latti da pecura.

  166. La me signura cu li cosci tisi,
    stisi comu ru’ pampini di řosi,
    u juvineğğu chi cci appizza mprisi
    , cci appizza lu tempu chi cci vosi.
    ? = U libbru

  167. Quannu semu fimmini attisateğği,
    di tutti li picciotti semu arrifiutati,
    Ma quannu l'occhi nostři su' picchiusi,
    lu culu apertu e li testi calati,
    Di tutti semu allura addisiati.
    ? = I ficu zubbi e i ficu fatti.

  168. Unu supra e unu sutta li vitti stari.
    Comu li vitti mi misi a pinzari.
    Chiğğu ri supra façia un naschiari,
    rav'un corpu ravanti e unu rarreri.
    ? = I sirratura
  169. Un gnornu vitti abballari un giovinottu
    chi cum piruzzu l'abballu façia,
    'n testa purtava un beğğu cappiğğottu
    e poi di sutta 'na cosa ci niscia.
    Si tu m'abbisi stu dubbiottu,
    un omu megghiu ri tia nun ci saria!
    ? = U fusu
  170. A me signura acchianata ‘m palazzu
    Cu tanti pampineğği chi cugghia.
    Nun lu viria chi l’avia pilusazzu,
    ca putia fari un gnippuni a mmia.
    ? = A lana ra crapa.

  171. Pinniculì pinniculà pinnia
    sutta li cosci di la mamma Dia,
    quannu la mamma Dia aisa la coscia,
    pinniculì pinniculà si nġrossa!
    ? = U fusu
  172. ‘N anca ccà, ‘n anca ğà.
    Mi suca la muruğğa e si nni va.
    ? = U libbru
  173. T'acchiappu pi lu pettu,
    ti střinciu pi li minni:
    tiritřàcchiti chi si nni vinni.
    ? = Viviri no çiascu.

  174. “Gnuri Minicu, mittitivi ‘n zusu”.
    “Gnura minica, picchì?”.
    “vi ficcati nto pirtusu
    e façiti nzi-chi-tin-zì”
    ? = A chiavi e a tuppa

  175. Supra pilu, sutta pilu,
    Jisa a amma ca ta nfilu.
    ? = A cuasetta

  176. Virdi ‘n campagna
    niuru nta cascia
    e a me signura
    ci fa abbiriri a coscia.
    ? = U carvuni no cufuni.

  177. U viri soccu façisti
    ca rarreri ma mittisti:
    pi l'amuri ri Diu e di Santi
    levamilla 'i rarreri e mettimilla ravanti.
    ? = A seggia

  178. A batissa di pignipignazzi,
    havi a tonaca pizzi pizzi,
    cu li spinġuli appuntati,
    pi sarvari a virginitati.
    ? = A carcocciula.

  179. Haiu 'na cosa lonġa um parmu,
    cu a testa řussa chi va sculannu.
    ? = A cannila.

  180. Sugnu friddu pi natura,
    ma a la fimmina fazzu beni,
    Si m’acchiana la calura,
    fazzu chiğğu chi cummeni.
    ? = U ferru 'i stirari.

  181. Talia ğà, talia ğà,
    chi ci penni o to papà?
    ? = U řologgiu 'i taschinu.

  182. U ře l’havi rossu,
    u papa l’havi chiù grossu,
    ma la řiggina chiancia
    picchì chiù grossu lu vulia.
    ? = L'aneğğu.

  183. Iu vegnu ri Missina
    e portu řobba fina.
    All’omini si cci ammoscia (ammostřa)
    e fimmini si cci infila.
    ? = L’aneğğu.

  184. Um picciutteğğu la třasi e nesci,
    a třasi asciutta e a nesci vagnata
    cu a puntiğğa nzanġuinata.
    ? = A pinna e u nchiostřu.

  185. E lu pisci, lu beğğu pisci
    mettilu ‘n manu, chi subbitu crisci.
    Chista è cosa ri tentazioni
    chiù si tocca e chiù si movi.
    ? = U pisci r’ovu

  186. Alliccu, alliccu, 'n culu ta ficcu.
    Tantu haiu r’ alliccari,
    ca nto culu ti l’ha a nfilari.
    ? = L'augghia e u filu.

  187. C’è 'na cosa lonġa e tisa,
    ch’a tutti i morti veni misa.
    ? = A cannila.

  188. Třasi rura e nesci moğğa.
    ? = A pasta.

  189. Vinni un monacu di na banna,
    vinni a futtiri a me nanna,
    a futtiu, a střafuttiu,
    a jittau 'n terra e si nni jiu.
    ? = U ventu

  190. St' abbisu è 'na cosa 'i pazzi,
    Si 'n culu ta mettu, tu mi riçi "grazi".
    ? = A seggia.

  191. Misa o suli s’arrimoğğa,
    e nall’acqua si fa tisa.
    ? = A corda.

  192. A me signura acchianata ‘m palazzu
    Nun lu viria chi l’avia pilusazzu,
    ca putia fari un gnippuni a mmia.
    ? = A lana ra crapa.

  193. C'é 'na cosa quant'om parmu
    chè gauta di schina,
    Quannu è ura di ğa cosa
    pilu pilu s'arrimina.
    ? = U řasolu.

  194. Donna Cristina ch’è fatta cristiana,
    da so santitati a tutti runa.
    Havi um pirtusu sutta a suttana,
    e a cu' porta dinari ci nni runa.
    ? = A utti.

  195. Sutta a fodera da cammisa,
    c’è 'na cosa tisa tisa,
    e ssi si voli tuccari,
    Jetta uçi di spirtari.
    ? = A campana.

  196. Iu nascivi nta 'na furesta.
    Haiu ammi e nun haiu testa.
    O su’ beğği o sunnu brutti,
    vaiu tuccannu u culu a tutti.
    ? = A seggia.

  197. A tutti i posti signura mi purtati,
    ma no lettu cu vui nun mi vuliti.
    ? = A scarpa.

  198. Signura, vi la mettu, vi la mettu,
    cu pattu ca nun v’aviti a lamintari;
    ca dopu l’ura ch’ha fattu l’effettu
    la pigghiu, la střinciu e la fazzu sculari.
    ? = A sanġuetta

  199. 'N capu pilu, sutta pilu,
    'n mezzu c'è lu mariolu.
    ? = L'occhiu.

  200. Tutti i fimmini ci l’hannu,
    cu' l’havi řuttu e cu' l’havi sanu.
    ? = U jiritali

  201. Cu lu tantu fricuniari,
    a signura cunzuma u cavaleri.
    ? = A rattalora.

  202. Vucca cu vucca,
    panza cu panza;
    iu m'arricriu
    e a iğğa ci uncia a panza.
    ? = A çiarameğğa

  203. Panza cu panza
    A lu monacu s’avanza.
    Um pizzuğğu ‘i carni crura
    Fa addivertiri a signura.
    ? = A chitarra.

  204. Gnuri Llau! chi façiti?
    chi darrera ma mittiti?
    Pi l'amuri ri tutti i santi,
    no darrera, ma ravanti.
    ? = U fanali

  205. Aìsati aìsati a cammiseğğa,
    ca ti fazzu 'na nica cosa;
    Nun ti scantari ca ti třasi tisa
    Dumani agghiorni comu 'na řosa.
    ? = A gnizioni.

  206. Tu ri supra e iu ri sutta,
    di nui rui cu ammutta ammutta.
    Quannu si řapi la çiaccazza
    di nui rui cu fazza fazza.
    ? = A serra

  207. Ta nfilu nto culu,
    ta třasu nta ucca,
    t’azziccu nt’asciğği,
    ta mettu nne manu.
    E quannu cuariu ma viu aisari.
    Quannu arrifriddu ma viu calari.
    ? = U termometřu e a frevi.

  208. Haiu un figghiu chi si chiama Cola
    abbita ntřa li causi ri tila
    unni viri fimmini ncannola
    unni firi pirtusa si cci nfila.
    ? = A navetta ru tilaru.

  209. C’è um picciutteğğu 'i quattordiçi anni,
    Ch’a třasi e nesci comu unu ranni
    a třasi asciutta, a nesci vagnata
    cu a puntiğğa arrussicata.
    ? = A sicaretta.

  210. Tu ri ğocu e iu ri ccà,
    e façemu 'cu fa fa':
    açeğğu açeğğu na spaccazza
    ca cci cari la simintazza.
    ? = A serra

  211. Caminannu, caminannu
    ma vaiu tuccannu.
    ? = A sacchetta.

  212. “Gnuri Minicu, mittitivi ‘n zusu”.
    “Gnura minica, picchì?”.
    “vi ficcati nto pirtusu
    e façiti nzi-chi-tin-zì”
    ? = A chiavi na tuppa.

  213. Lu culu nta petřa
    La facci nto culu
    E i manu nte minni.
    ? = U craparu chi munci.

  214. Li mei bianchi cosci,
    li toi bianchi e lisci,
    Si juncinu cosci cu cosci,
    e comu finisci finisci.
    ? = I linzola

  215. Třasi moğğu e nesci ruru.
    ? = U pani no furnu.

  216. O scuru o scuru,
    ci la nfilu nto culu.
    ? = A chiavi.

  217. Nfilannu nfilannu,
    firriannu firriannu,
    fa ğa cosa e poi s'arriposa.
    ? = A chiavi.

  218. Mentři u zu Masi si runġulia,
    Nmezzu a li ammi ci pinnulia.
    ? = A curuna du řosariu.

  219. E ghiemuninni a la casa ch’è notti
    e ghiemu a fari li soliti fatti
    quannu si juncinu pilu c’ u pilu
    ğa cosa chiù nnintřa ti nfilu.
    ? = L’occhi si chiurinu nfunnu pi dormiri.

  220. O scuru o scuru,
    Mu střicu nto muru.
    ? = U çirinu.

  221. A vecchia si cala e u parrinu ci la nfila.
    ? = L'ostia.

  222. Scinnivi nton gnardinu,
    Ci attřuvai un zignurinu
    Ci sbuttunai u nappuni
    E mi nisciu um pistuluni.
    ? = U Ranuni (Granuturcu).

  223. Berlusconi l'avi lonġu,
    Fini l'avi curtu,
    u papa l'avi ma nun lu usa,
    u zitu lu prumetti,
    to maritu ti lu metti.
    ? = U cugnomi.

  224. Třasi tiranti tiranti,
    poi nesci moğğa moğğa e gucciulanti.
    ? = A pasta.

  225. E' 'na cosa lonġa e tisa
    cu nu bağğu chi ci pisa.
    ? = A statia.

  226. Vinni u ře di Sirausa,
    la purtau lonġa e pilusa,
    a řiggina ci piaçia
    ma chiù lonġa e pilusa la vulia.
    ? = A scupa pu tettu.

  227. Quannu iu vegnu ni tia
    tu l'ha metti 'n culu a mmia,
    quannu tu veni ni mia
    iu la mettu 'n culu a ttia.
    ? = A seggia.

  228. Jivi a Milanu,
    purtai um parmu di řobba 'm manu.
    Ci la purtai a la me murusa
    e cci l'appizzai nta la pilusa.
    ? = U fermacapiğği.

  229. Dui la tennu e iu mi la godu,
    ma a iğğa assai ci abbruçia.
    ? = A sicaretta addumata.

  230. Du' omini lu ponnu fari,
    Un omu e 'na fimmina lu ponnu fari
    Dui fimmini nun lu ponnu fari.
    ? = A cunfissioni.

  231. Vaiu na me signura
    cci staiu quant’un’ura
    nesciu ğa cosa liscia
    e cci a nfilu r’unni piscia.
    ? = A canneğğa ra utti.

Rinġraziu e tanti chi mi mannaru l'abbisi.

Ci nn' esti napocu chi sacciu i versi ma no a řisposta.
Cu' la sapi, pi fauri la scrivissi ccà sutta
no quatřu ru Forum.

L'agghiunciu all'autři versi, pu piaçiri di tutti i siçiliani.
Salutamu.

  • O cu pilu o senza pilu
    rapi i cosci chi ta 'nfilu!
    ? = x x x x x x x

  • Curri curri saristanu,
    sta nascennu un picciriğğu
    senza peri, senza manu,
    e senza un pilu ri capiğğu.
    ? = x x x x x x x x

  • Ch'è bedda la patřuna ri sta casa!
    La cascia cu li ficu a teni chiusa.
    ? = x x x x x x x x

  • </li> <li>XXXXXXXXXXXXXXXXXXXXXXXXXXXXXx<br> <b><a href="#nn"><font color="#000033">? = </font>xxxxxxxxxx</b></a><br> <br> </li> <li>XXXXXXXXXXX<br> <b><a href="#nn"><font color="#000033">? = </font>xxxxxxxxx</b></a><br> <br> </li>

     

     

     

    Un Saluto
    Scrivi messaggio
    Un Commento

     

     

    Gli indovinelli siciliani ricordano tempi lontani, quando non essendoci svaghi, era un modo per t&#345;ascorrere il tempo in allegria. Quando se ne ascolta qualcuno, si tenta di t&#345;ovarne la soluzione, anche per appagare la voglia di dimost&#345;are capacità e intuito. Gli indovinelli siciliani si prestano spesso ad interpretazioni a doppio senso o ad allusioni di qualcosa che non si vuole pronunciare, ma che si lascia facilmente intendere. Spesso nascondono umoristicamente, degli elementi che fanno andare con la mente a qualcosa di &quot;erotico&quot;, &quot;di osceno&quot; o &quot;di intimo&quot; che non si deve nominare. Comunque, non vanno mai nella volgarità, e pure i bambini vivevano quell&#39;atmosfera di allegra, ambigua interpretazione osé, che svaniva al momento stesso in cui veniva data la soluzione. Si faceva pensare volutamente a qualcosa di proibito o malizioso, che poi svaniva nell&#39;allegria.

    25.12.2016