Accua cunzigghiu e sali
senz'addumannatu nun n'ha dari.
Accua e focu, dacci locu.
Accua e focu nun ci pigghiari mprisi.
A ku ti po' pigghiari chiddhu chi
hai
Dacci chiddhu chi t'addumanna.
A kursa longha lu bon kavaddhu pari.
Ad arvulu carutu ognunu curri e
fa ligna.
A facci irata, teni ucca sirrata.
A karma, bunazza e letu jiri
Ogni kucchieri sapi navicari.
A li corpi di marteddhu si canusci
la macagna.
Unni nun zi kanusciutu,
Comu sì vistu sì fiuratu.
Amuri
A ffimmina chi ridi,
nun ci aviri fidi.
Ama a ku t'ama rispunni a ku ti
chiama.
Ama a ku t'ama, si voi aviri spassu
Ca amari a ku nun t'ama è tempu persu.
Amari e disamari
Nun sta a ku lu voli fari.
Amari la so vishina è un gran vantaggiu:
Spissu si viri e nun zi fa viaggiu.
Amuri, biddhizza e dinari
su' trhi kosi ch'unn zi ponnu ammucciari.
Amuri di surdatu pocu rura;
na tuccat' 'i tammuru: Addiu signura!
N kampagna
Accua di Giugnu cunzuma lu munnu.
Accua di primintiu,
Allarga l'armu miu;
Accua e suli ntrha li simenzi,
Mi criscinu li spiranzi;
Accua di Maiu e aprili,
Curru cu tutti li vili;
Poi boni matinati,
Ricchizza di li casi.
Accua e zappuddha fannu shipuddha.
A favi e ortu, un omu mortu
Affunna bonu u zappuni na vigna
E ascippa la mal'erva e la ramigna.
A furmentu e linu
Nun ci sparagnari carrinu.
A la vigna vacci, a la putia stacci.
All'alivi un zaviu a li peri e un
pazzu a la testa.
A lu giru di lu shumi nun ti fari
baruni.
A Maju li faushi mpaiu,
A Giugnu li faushi m pugnu,
A giugnettu li faushi m pettu.
Armali
A kani corsi nun ci diri "ngnirri".
Cu kavaddhi boni o cafuna
Nun lassari li spiruna.
A socch'è ridottu lu addhu ri Sciacca,
A essiri pizzuliatu di la shocca.
A ku fu misa la seddha
Sarrà misa la vardeddha.
A sceccu vecchiu carrica rausu.
A la jumintina
Cravaccacci la schina,
A li cavaddhi
Cravaccacci li spaddhi.
A la livata di lu varduni
Cumpariscinu li crustani.
Kiffari
Accatta caru e vinni mircatu.
Accatta pi kuattrhu e vinni pir
ottu.
Addumanna sempr'assai
ch'a kalari
ci sarrai.
Di mircatu accatta assai,
e di caru
pigghia picca.
A lu pigghiari affùddhati,
A lu pacari scàcciati.
Ammatula si pisca
S'a ll'amu nun c'è isca.
A novu nioziu novu cunzigghiu.
A santu chi nun sura,
Nun ti cci addinucchiari
Caru vinni e giustu misura.
Cu runa prima duna rirennu,
cu runa dopo runa chiancennu.
Picciuttanza
M prisenza di vecchi parra picca.
A cianku lu picciutteddhu
E' sempri bonu lu vicchiareddhu.
a li picciotti li puma, a li vecchi
lu libbru.
A li vecchi ci mancanu li forzi
e ci criscinu li pititti.
Anni e piccati sunnu chiossai di
cuantu si rishinu.
A santi vecchi unn zi cci addumanna
lampi.
Ascuta a li vecchi ca nun ci la
sgarri.
A testa bianka spissu sennu manka.
A vecchi e strhanii nun ci aviri
fidi.
Crushifissu vecchiu nun ha chiù
ncenzu.
Cu è picciutteddhu, nun è puvireddhu.
Cu havi dinari e amishizia,
picca stima la giustizia.
Cu chiù kampa, chiù mpinatisci.
Cu dili vecchi si nnamura,
Si la pila la vintura.
Cui di vinti nun za, di trhenta
nun fa, di cuaranta nun ha,
Né mai sapirà, né mai farà, né mai avirrà.
Malatì
A ku havi la frevi, lu meli ci pari
amaru.
Ar ogni culuri rimedia la morti.
Ahi! moru moru! - Accua caura e
firriolu.
A la morti s'accummogghianu li detti
e li difetti.
A la nfirmitati si canusci la sanitati.
Asciutti li peri, caura la testa,
e di lu restu campa di bestia.
Assai megghiu addivintirai,
Si a la morti pinzirai.
Casa ca di lu suli unn è viruta,
Di lu mericu è spissu visitata.
U tempu
Acccua d'austu, ogghiu, meli e mustu.
Accua d'aprili lu porcu accidi,
lu voi ngrassa e la pecura riri.
Accua di maju assuppa viddhani e
signuri cuantu ni nkontrha.
Accua e suli fa lavuri,
Accua e ventu fa furmentu.
Austu cushina e Sittemmaru amminestrha.
A la Cannilora di lu nmernu semu
fora.
A la santa Cannilora,
si cci nivica o ci chiova,
cuaranta jorna ci nn'è ankora.
A la Cannilora ogni addhina veni
ar ova.
Annata di nivi, annata r'alivi.
Puvirtà e ricchizza
Nkumincia a arricchiri cu ncumincia
a disprizzari ricchizzi.
Ahi, ahi,ahi! trhi voti ricu,
cu cari m puvirtà perdi l'amicu.
A riccu nun prumettiri, a poviru
nun mankari.
Sori e parrini
Biata dha casa chi havi na chirca
rasa.
Cavaleri, parrinu e malu passu,
dinni beni e stacci arrassu.
Cu ama Diu di tuttu cori
filishi campa e filishi mori.
Cu monashi e surdati
nun kogghiri amistati.
Cui sempri viri a prushissioni e
a missi,
lignu nun è pi fari crushifissi.
U manciari
A nushi e ficu stacci amicu.
A pani skittu
lu veru cumpanaggiu è lu pitittu.
N taula ci voli facci di monacu.
Na custera mancia li skoddhi
Ch'a manciari carni n kasa ti cci fai
i caddhi.
Cashu, pira e pani
nun è cibbu pi viddhani.
Carni di castrhatu
R'unni a pigghi pigghi sì gabbatu.
Carni di voi, manciani quantu poi.
Carni e pisci, la lita ti crisci.
Carni fa carni, pani fa panza, vinu
fa danza.
Cuntrhati
A Caccamu ci sunnu l'atbbutati
A Termini li scavuzzi sapuriti,
M Palermu li rosi spampinati,
beddhi di fora e di rintrha purriti.
A Kartaggiruni cuscenzi pilusi e
cruni di cuinnishi posti.
Acqua negghi e nigghi,
e parrini cu li figghi,
cummissari e diligati
a Polizzi li trhuvati.
Casteddhuvitrhanu,
riccu di milinciani e vinu bonu.
Catania, giammerghi ri sita.
Cavaddhi rausani,
muli spaccafurnari,
e scecchi muricani.
Ciaramunti, muni d'oru,
Ogni fimmina vali un trhisoru.
Cu va m pPalermu e unn vidi Murriali,
si nni parti sceccu e torna armali.
Cu voli pani, ntrha li Giurgintani,
cu voli pasta ntrha li Licatisi,
dinari l'addumanna e Jashitani,
ogghiu e summaccu nni li Tirminisi.
Carrica-sali li Trhapanisi,
biddhizzi rari li Muntisi.
Cuntuttu ca Missina havi portu,
Pi la beddha Palermu è sempri un ortu.
Diu ni scanza di lu sbirru sishilianu,
e di chiù cuann'è palermitanu.
Gigenti,
bona terra, trhista genti.
L'occhiu di la Sirausana
fa nesciri la serpi di la tana.
Minioti, testi foddhi e kori moddhi.
Missina ncignusa,
Palermu pumpusa.
Missina la ricca,
Palermu la licca.
Murriali shittà senza cunfortu,
o chiovi e tira ventu o sona a mortu.
Nobbili e ricchi su' li Missinisi,
capi di regnu li Palermitani,
cori cuntentu su' li Catanisi,
ricchi di pisci li Cifalutani.
Palermitani,
Dui tarì di cumpanaggiu e du' grana
'i pani.
Palermu è omu dabbeni,
cu va va e cu veni veni.
Partinicu, bon paisi,
bonu vinu, picca spisi.
Petrafennula di Modica, pani di
Rausa e alivi di Chiaramunti.
Pi mennuli muddhisi all'Arauna,
e pi picciotti beddhi a la Favara.
Pi surfaru, furmentu, vinu e lani,
viniti ne paisi sishiliani.
Si Catania avissi portu,
Palermu fussi mortu.
Si missina avissi jardini,
Palermu fora casalini.
Sirausa, terra amurusa,
Cu cinku grana ci mancia, vivi e campa
la carusa.
Si viri un grecu e un lupu,
mira a lu grecu e lassa lu lupu.
Si voi pruvari li peni di lu nfernu,
lu nmernu a Missina e la stati m Palermu.
N Trhapani, russi curaddhi,
Ni lu Munti li picciotti beddhi.
Viri Palermu e gori,
Viri Napuli e poi mori.
Voi donna beddha? curri a Sirausa;
laria la voi, curri a Terranova,
Va a Rusulini si la voi lagnusa,
e a Spaccafurnu si la voi a la prova.
